Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 791 Hüküm no: 1316 Orijinal metin no: [109b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahbube bt. Abdullah’ın sattığı eşya bedelinden alacaklı olduğu iddiasıyla açtığı davada sulh olduğu Ma‘rûz Medîne-i Üsküdar’da İhsaniye mahallesinde sâkine ve zâtı mu‘arrefe Mahbube bt. Abdullah nâm hatun meclis-i şer‘-i hatîrde şahsı mu‘arrefe Aksabet bt. Mardıros nâm Nasrâniye muvâcehesinde merkūme Aksabet Nasrâniye târih-i i‘lâmdan üç sene mukaddem yedimden iştirâ ve kabz eylediği beynimizde ma‘lûm eşyâ-i mütenevvi‘a semeninden bâkī otuz guruş hakkı taleb ederim deyü eylediği da‘vâsından bâ-tavassut-ı muslihîn on beş guruş bedel mukābilesinde sulh olup ziyâde müdde‘âsı olan on beş guruşa müte‘allika âmme-i da‘vâdan merkūme Aksabet Nasrâniyenin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 25 min-Za sene 1206.