Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 792 Hüküm no: 1318 Orijinal metin no: [109b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Duvarcı Tarandafil’in âsâ ile kendisini yaraladığı iddiasıyla Bostancı Salih Ağa aleyhine açtığı davada sulh olduğu Ma‘rûz Medîne-i Üsküdar hâricinde Hamamlı Çiftliği’nde mütemekkin arzuhâl eden Duvarcı Tarandafil v. Nedelko nâm zimmî medîne-i mezbûrede meclis-i şer‘-i hatîrde derûn-ı arzuhâlde ismi mezkûr Bostanî Salih Ağa b. Mehmed nâm kimesne mahzarında mezbûr Bostanî Salih Ağa târih-i i‘lâmdan üç gün mukaddem çiftlik-i mezkûr derûnunda bi-gayrı hakkın sağ kolum omuzum üzerinden bir yerinden asâ ile darb ve cerh etmekle mûcib-i şer‘îsini mezbûr Bostanî Salih Ağa’dan taleb ederim deyü tasaddî eylediği da‘vâsından kırk para bedel-i makbûza sulh olup cerh-i mezkûra ve mâ-yuhdesü-minhe müte‘allika âmme-i de‘âvîden mezbûr Bostanî Salih Ağa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 2 min-Z sene 1206.