Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 792 Hüküm no: 1319 Orijinal metin no: [109b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu İbrahim’in kendisine havale edilen borcunu ödediği Mustafa b. Ali’den alacağı olduğu Ma‘rûz Kalyoncu tâifesinden İbrahim b. Abdullah nâm kimesne medîne-i Üsküdar’da mahfil-i Bâb’da meclis-i şer‘-i hatîrde Mustafa b. Ali mahzarında gāib ani’l-meclis rencber tâifesinden Zeynel nâm kimesnenin mezbûr Mustafa zimmetinde bağının tımarı ücretinden on bir buçuk guruş hakkı olup târih-i i‘lâmdan üç sene mukaddem gāib-i mezbûr beni deyn-i merkūm ile üçümüz bir meclisde olduğumuz hâlde mezbûr Mustafa üzerine havâle-i mutlaka ile havâle ve herbirimiz havâleyi ba‘de’l-kabûl binâen-aleyh meblağ-ı merkūm on bir buçuk guruşu mezbûr Mustafa’dan taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-minvâl-i muharrer müdde‘âsını udûlden Halil b. Süleyman ve Bekir b. Murad nâm kimesneler şehâdetleriyle ber-nehc-i şer‘î muvâcehesinde isbât etmeğin mûcibiyle meblağ-ı merkūm on bir buçuk guruşu müdde‘î-i mezbûra bi-hükmi’l-havâle edâ ve teslîme mezbûr Mustafa’ya şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 7 min-Şevvâl sene 1206.