Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 793 Hüküm no: 1321 Orijinal metin no: [109b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Naile bt. Süleyman’ın geçimsizlik sebebiyle muhâlaa yoluyla boşandığı Ma‘rûz Medîne-i Üsküdar’da Arakıyeci el-Hâc Cafer mahallesinde sâkine sâhib-i arzuhâl Molla Mehmed b. Abdullah’ın zevcesi Nâile bt. Süleyman nâm hatun meclis-i şer‘-i hatîrde zevci mezbûr Mehmed mahzarında beynlerinde hüsn-i mu‘âşeretleri olmadığından mezbûre Nâile Hatun on beş guruş mehr-i müecceli ve nafaka-i iddet-i ma‘lûmesi üzerlerine ve meûnet-i süknâsı dahi kendi üzerine olmak üzere zevc-i mezbûr ile bi’r-rızâ hul‘ olduğunda ol dahi hul‘u kabûl edip hukūk-ı zevciyete ve sâireye müte‘allika âmme-i de‘âvîden herbiri âharın zimmetini ba‘de’l-ibrâ ve’l-kabûl kat‘-ı münâza‘a eyledikleri mübâşiri çavuş kulları iltimâsıyla huzûr-ı âlîlerine i‘lâm olundu. Fî 3 min-Z sene 1206.