Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 794 Hüküm no: 1322 Orijinal metin no: [109b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’nin Şeyh Mustafa Efendi Vakfı’na borcu olduğu Ma‘rûz Medîne-i Üsküdar’da vâki‘ merhûm Devâtî eş-Şeyh Mustafa Efendi Vakfı’nın mütevellisi İsmail Ağa b. Abdullah tarafından vekîl-i müsecceli Molla Mustafa b. Hasan nâm kimesne medîne-i mezbûrede mahfil-i Bâb’da meclis-i şer‘-i hatîrde Mustafa Beşe b. Hasan mahzarında mezbûr Mustafa Beşe zimmetinde mâl-ı vakf-ı mezbûrdan bâ-istiğlâl-i bağ altmış guruş ve bâ-devr-i şer‘î iltizâm eylediğim beher şehr tamamında otuzar paradan işbu târih-i i‘lâma gelince altı ayda dört buçuk guruş ki cem‘an altmış dört buçuk guruş vakf-ı mezbûra zimmetinde deyni olmağla taraf-ı vakıf için meblağ-ı merkūm altmış dört guruşu mezbûr Mustafa Beşe’den bi’l-vekâle taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm altmış dört buçuk guruşun edâsıyla mezbûr Mustafa Beşe şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 21 min-Za sene 1206