Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 797 Hüküm no: 1327 Orijinal metin no: [110a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Esnaflıktan çıkarılması istenen Seyyid Mehmed Ali’nin nizama aykırı hareket etmemeye söz verdiği Ma‘rûz Medîne-i Üsküdar’da sarrâclar kethudâları es-Seyyid Numan Ağa b. el-Hâc Abdülgani ve Yiğitbaşı İbrahim b. Mustafa ve Ahmed Ağa b. Osman ve İsmail Ağa b. Mustafa ve Abdurrahman Efendi b. İsmail ve Halil b. Hüseyin ve el-Hâc Süleyman b. Süleyman nâm kimesneler meclis-i şer‘-i hatîrde esnâf-ı mezkûreden es-Seyyid Mehmed Ali b. Veli mahzarında mezbûr es-Seyyid Mehmed Ali esnâf-ı mezkûrenin dâimâ hilâfında olmağla adem-i emniyetlerine binâen ihrâcını iltimâs ve teşekkî etdiklerinde mezbûr es-Seyyid Mehmed Ali fîmâ-ba‘d kendi hâlinde ırzıyla mukayyed olup esnâf-ı mezbûreye hilâf-ı şer‘-i şerîf vaz‘ ve hareket etmemek üzere ta‘ahhüd ve esnâf-ı mezbûre dahi râzı olup bu vechile beynleri ıslâh olunduğu bi’l-iltimâs huzûr-ı âlîlerine i‘lâm olundu. Fî 12 min-Za sene 1206.