Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 797 Hüküm no: 1329 Orijinal metin no: [110b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Firar eden Cerrah Mehmed’in eşyalarının vekili Seyyid Mahmud Ağa’ya teslim olunduğu Ma‘rûz Derûn-ı i‘lâmda mezkûr Cerrâh Mehmed tarafından vekîl olduğu es-Seyyid Hüseyin b. Osman ve Ali Beşe b. Ömer nâm kimesneler şehâdetleriyle sâbit olan es-Seyyid Mahmud Ağa b. Mehmed meclis-i şer‘-i hatîrde i‘lâmda mezkûr Subaşı Hafız es-Seyyid Mustafa b. es-Seyyid Mehmed mahzarında müvekkil-i mezbûr Mehmed târih-i i‘lâm senesi Şevvâli’nin yirmi sekizinci günü firâr ve gaybet edip emvâl ve eşyâsını ma‘rifet-i şer‘le tahrîr ve târih-i merkūm ile sicill-i dâ‘îlerinde mukayyed defter mûcebince subaşı-i mezbûr Hafız es-Seyyid Mustafa Efendi’ye teslîm olunmuşdu hâlâ mezbûr Hafız es-Seyyid Mustafa Efendi eşyâ-i mezkûreyi bi-a‘yânihâ bana def‘ ü teslîm etdikde ben dahi yedinden tamamen ahz ü kabz edip eşyâ-i mezkûreden subaşı-i mezbûrun yedinde bir nesne bâkī kalmadı deyü vekîl-i mezbûrun takrîrini subaşı-i mezbûr es-Seyyid Mustafa Efendi tasdîk eylediği huzûr-ı âlîlerine i‘lâm olundu. Fî 20 min-Za sene 1206.