Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 799 Hüküm no: 1332 Orijinal metin no: [110b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Abdullah’ın elli beş kuruş bedel karşılığında devrettiği vakıf menzilini kendisine iade etmesi talebiyle açtığı davanın muteber olmadığı Ma‘rûz Medîne-i Üsküdar’da Aşcıbaşı mahallesinde sâkine ve zâtı mu‘arrefe Hadice bt. Abdullah nâm hatun meclis-i şer‘-i hatîrde kezâlik zâtı mu‘arrefe Zeliha bt. Hüseyin nâm hatun mahzarında târih-i i‘lâmdan bir ay mukaddem mahalle-i mezbûrede vâki‘ mahalle-i mezbûrede câmi‘-i şerîfi vakfının musakkafâtından olup ber-mûceb-i temessük ma‘lûmü’l-hudûd ve’l-müştemilât mutasarrıfe olduğum bir bâb vakıf menzilimi elli beş guruş bedel mukābilesinde mezbûre Zeliha Hatun’a bâ-ma‘rifet-i mütevellî ferâğ ve tefvîz edip bedel-i mezkûrun dokuz guruşunu yedinden ahz ve kırk altı guruşu zimmetinde bâkī kalmışdı hâlâ bana medfû‘u olan dokuz guruşu ahz ve menzil-i mezkûru yine ma‘rifet-i mütevellî ile bana kasr-ı yed etsin deyü takrîri üzere tasaddî eylediği da‘vâsı mesmû‘a olmadığı bi’l-iltimâs huzûr-ı âlîlerine i‘lâm olundu. Fî 3 min-Z sene 1206.