Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 803 Hüküm no: 1339 Orijinal metin no: [111b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Agop v. Hovan’ın alacağı olduğu Ma‘rûz Saraydâr tâifesinden Agop v. Hovan nâm zimmî medîne-i Üsküdar’da mahfil-i Bâb’da meclis-i şer‘-i hatîrde Bogos v. Danyel nâm zimmî muvâcehesinde merkūm Bogos zimmî târih-i i‘lâmdan beş ay mukaddem yedimden bi-tarîki’l-karz istidâne ve kabz ve umûruna sarfla istihlâk eylediği elli guruş zimmetinde hakkım olmağla talebe ederim deyü da‘vâ ol dahi cevâbında müdde‘î-i merkūm yedinden ol-mikdâr meblağ ahz eylediğini ikrâr lâkin müdde‘î-i merkūm Agop zimmî zimmetinde yüz guruş alacak hakkım olup meblağ-ı merkūm yüz guruşun elli guruşunu deyni için bana def‘ ve teslîm etmişdi deyü ba‘de’d-def‘ ve’l-inkâr dâfi‘-i merkūm Bogos zimmî ber-vech-i muharrer def‘ini beyândan izhâr-ı acz edip talebiyle müdde‘î-i merkūm Agop zimmî gıbbe’t-tahlîfi’ş-şer‘î mûcibiyle meblağ-ı merkūm elli guruşu müdde‘î-i merkūma edâ ve teslîme merkūm Bogos zimmîye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 7 min-Z sene 1206.