Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 803 Hüküm no: 1340 Orijinal metin no: [111b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bogos v. Danyel’in ölen amcasıoğlu Artin’e ait üç yüz kuruşu çaldığı iddiasıyla açılan davada sulh olduğu Ma‘rûz Mahmiye-i İslâmbol hısnı ebvâbından Samatya Kapısı dâhilinde Sulumanastır nâm mahâlde mütemekkin Bogos v. Danyel nâm zimmî medîne-i Üsküdar’da mahfil-i Bâb’da meclis-i şer‘-i hatîrde Agop v. Hovan nâm zimmî muvâcehesinde merkūm Agop zimmî târih-i i‘lâmdan bir sene mukaddem ammim oğlu Artin v. Andon nâm zimmî ile bir mahâlde mütemekkin iken merkūm Artin zimmînin sandığı derûnunda mevcûd nakden üç yüz guruşunu merkūm Agop zimmî hufyeten ahz edip meblağ-ı merkūmu kable’l-ahz merkūm Artin hâlik olup verâseti ancak bana münhasıra olmağla meblağ-ı merkūm üç yüz guruşu merkūm Agop zimmîden bi’l-verâse taleb ederim deyü müdde‘î-i merkūm Bogos zimmî ber-vech-i muharrer eylediği da‘vâsından bâ-tavassut-ı muslihîn an-inkâr altmış guruş bedel-i makbûza sulh olup ziyâde müdde‘âsı olan iki yüz kırk guruşa müte‘allika âmme-i de‘âvîden merkūm Agop zimmînin zimmetini ba‘de’l-ibrâ ve’l-kabûl bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 9 min-Z sene 1206.