Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 805 Hüküm no: 1342 Orijinal metin no: [111b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Ahmed’in kendisine küfür ve hakaret edip evini fuzuli işgal eden kardeşi ile annesi aleyhlerine açtığı davada davacıların evi boşaltmalarına karar verildiği Ma‘rûz Medîne-i Üsküdar’da Arakıyeci el-Hâc Mehmed mahallesinde sâkine ve zâtı mu‘arrefe Fatıma bt. Ahmed nâm hatun meclis-i şer‘-i hatîrde li-ebeveyn er karındaşı es-Seyyid Ali ile vâlidesi olup kezâlik zâtı mu‘arrefe Emine bt. Ali nâm hatun mahzarlarında mezbûrân es-Seyyid Ali ve Emine mahalle-i mezbûrede vâki‘ tasarrufumda olan bir bâb menzilimde fuzûlî sâkinler olup beni iskândan men‘ eylediklerinden mâ‘adâ bana mûcib-i ta‘zîr olur elfâz ile şetm edip emniyetim olmamağla menzil-i mezkûru tahliye ve bana teslîme mezbûrân es-Seyyid Ali ve Emine’ye tenbîh olunmak matlûbumdur deyü ba‘de’d-da‘vâ ve’l-istintâk ve’l-ikrâr mûcibiyle menzil-i mezkûru tahliye ve müdde‘iye-i mezbûreye teslîme mezbûrân es-Seyyid Ali ve Emine’ye tenbîh olunduğu bi’l-iltimâs huzûr-ı âlîlerine i‘lâm olundu. Fî ( ) min-Zilhicce sene 1206.