Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 805 Hüküm no: 1343 Orijinal metin no: [111b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Murad’ın kardeşi Seyyid Mustafa’ya kefaletinden dolayı alacağı olduğu iddiasıyla açtığı davada iddiasını ispat edemediği Ma‘rûz Mahmiye-i İslâmbol’da Kapan-ı dakīk kurbünde sâkin Yusuf b. Murad nâm kimesne medîne-i Üsküdar’da mahfil-i Bâb’da meclis-i şer‘-i hatîrde es-Seyyid Mehmed b. Hasan nâm kimesne mahzarında târih-i i‘lâmdan iki sene mukaddem mezbûr es-Seyyid Mehmed’in karındaşı gāib ani’l-beled es-Seyyid Mustafa nâm kimesne yedimden istidâne ve kabz ve umûruna sarfla istihlâk eylediği otuz sekiz guruş hakkımın edâsına mezbûr es-Seyyid Mehmed tarafeynden bi’l-emr ve’l-kabûl kefîl ve zâmin olmağla kefâletine binâen taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını isbâta kādir olamayıp talebiyle mezbûr es-Seyyid Mehmed gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr es-Seyyid Mehmed’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 21 min-L sene 1206.