Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 808 Hüküm no: 1349 Orijinal metin no: [112a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Uygunsuz hareketlerinden şikâyet edilen Zeliha ile Hasan ve Emine’nin mahalleden çıkarılmasının istendiği Ma‘rûz Medîne-i Üsküdar’da Hacce Hatun mahallesi imâmı es-Seyyid Mehmed Said Efendi b. Ahmed ve Müezzin Molla Süleyman b. Mehmed ve Kelâmî Mehmed Salih Efendi b. Ahmed ve Ali Efendi b. Mehmed ve Mehmed Said Efendi b. Feyzullah ve el-Hâc Mehmed Ağa b. Hüseyin ve el-Hâc Osman b. İbrahim ve Mehmed Ağa b. Hasan ve Abdullah Efendi b. Hasan nâm kimesneler meclis-i şer‘-i hatîrde mahalle-i mezbûre sükkânından Zeliha bt. Osman ile Hasan b. Hüseyin ve Emine bt. Ali nâm zevcân mahzarlarında mezbûrun Zeliha ve Hasan ve Emine kendi hâllerinde ırzları ile mukayyedler olmayıp mezbûre Zeliha’nın menziline dâimâ mechûlü’l-ahvâl ricâl ve nisâ duhûl ve hurûc edip bi’d-defa‘ât kendülere nush ü pend eylediğimizde mütenassıhlar olmayıp ef‘âl-i sâbıkā ve mezbûrûndan bi’l-külliye emn ü rahatımız meslûb olmuşdur deyü sû’-i hâllerini muvâcehelerinde ihbâr ve mezbûrûn Zeliha ve Hasan ve Emine’den herbiri mahalle-i mezbûreden ihrâc olunmak bâbında fermân-ı âlîleri sudûrunu herbiri istid‘â ve istirhâm eyledikleri bi’l-iltimâs huzûr-ı âlîlerine i‘lâm olundu. Fî 16 min-Zilhicce sene 1206.