Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 809 Hüküm no: 1350 Orijinal metin no: [112b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Basmacı Çalık Mehmed tarafından dövülen Hasan’ın babası Hüseyin Beşe’nin talebi üzerine bilirkişiler tarafından muayene edildiği Ma‘rûz Medîne-i Üsküdar’da Kādıasker mahallesinde sâkin Hasan nâm sagīrin babası ve velisi Hüseyin Beşe b. Hasan medîne-i mezbûrede mahfil-i Bâb’da meclis-i şer‘-i hatîrde bast-ı kelâm ve ifâde-i merâm edip târih-i i‘lâmdan beş gün mukaddem oğlum sagīr-i mezbûrun gāib ani’l-meclis Basmacı Çalık Mehmed nâm kimesne mahalle-i mezbûrede bi-gayrı hakkın depme ve yumruk ile beline ve arkasına darb ve kara bere etmekle keşf ve mu‘âyene olunmak matlûbumdur dedikde cerrâh tâifesinden el-Hâc Ali ve sâir mazbûtü’l-esâmî kimesneler a‘zâsına nazar eylediklerinde fi’l-hakīka sagīr-i mezbûr Hüseyin’in [Hasan’ın] ber-vech-i muharrer iki mahâllinden kara bere idiği lede’l-keşf ve’l-mu‘âyene yine zâhir olduğu ba‘de’t-tescîl bi’l-iltimâs huzûr-ı âlîlerine i‘lâm olundu. Fî 14 min-Z sene 1206.