Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 810 Hüküm no: 1352 Orijinal metin no: [112b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ali’yi sopa ile döven Ledelko’ya tazir cezası verildiği Ma‘rûz Medîne-i Üsküdar’da Arakıyeci el-Hâc Cafer mahallesinde sâkin Mustafa b. Ali nâm kimesne meclis-i şer‘-i hatîrde Ledelko v. Yuvan nâm zimmî muvâcehesinde merkūm Ledelko târih-i i‘lâmdan iki gün mukaddem medîne-i mezbûre hâricinde Üçpınar nâm mahâlde refiki gāib ani’l-meclis Boğda nâm zimmî ile beni bi-gayrı hakkın sopa ile sol gözümü darb etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını udûlden Mehmed b. Abdurrahman ve Ali b. İbrahim nâm kimesneler şehâdetleriyle vech-i şer‘î üzere muvâcehesinde isbât etmeğin mûcibiyle merkūm Ledelko zimmîye şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 14 min-Zilhicce sene 1206.