Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 811 Hüküm no: 1354 Orijinal metin no: [112b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Fehim Efendi’ye küfreden İsmail b. Abdullah’a tazir cezası verildiği Ma‘rûz Medîne-i Üsküdar’da Selmanağa mahallesinde sâkin Ahmed Fehim Efendi b. Abdullah medîne-i mezbûrede mahfil-i Bâb’da meclis-i şer‘-i hatîrde İsmail b. Abdullah nâm kimesne mahzarında târih-i i‘lâmdan iki gün mukaddem mezbûr İsmail sopa ta‘bîr olunur kebîr asâ ile menzilim kapısına gelip asâ ile kapıyı darb ve mûcib-i ta‘zîr olur kelimât-ı kabîha ile bi’l-muvâcehe şetm ve ırzımı hetk etmekle mûcibini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını udûlden Mehmed Emin Ağa b. Mustafa ve Molla Ahmed b. Mehmed nâm kimesneler şehâdetleriyle muvâcehesinde isbât etmeğin mûcibiyle mezbûr İsmail’e şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 18 min-Z sene 1206.