Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 811 Hüküm no: 1356 Orijinal metin no: [112b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Mehmed’in alacağı olduğu iddiasıyla eski kocasına açtığı davada sulh olduğu Ma‘rûz Medîne-i Üsküdar’da Arakıyeci el-Hâc Cafer mahalle[sinde] sâkin mu‘arrefetü’z-zât Havva bt. Mehmed nâm hatun medîne-i mezbûrede mahfil-i Bâb’da meclis-i şer‘-i hatîrde zevc-i sâbıkı Ömer Beşe b. Ali nâm kimesne mahzarında târih-i i‘lâmdan on sene mukaddem ben mezbûr Ömer Beşe’nin yirmi beş guruş mehr-i müeccel tesmiyesiyle zevce-i medhûlün-bihâsı iken beni tatlîk etmekle mehr-i mezkûrumu taleb ederim deyü eylediği da‘vâsından bâ-tavassut-ı muslihîn iki guruş bedel-i makbûza sulh olup ziyâde müdde‘âsı olan yirmi üç guruşa müte‘allika âmme-i de‘âvîden mezbûr Ömer Beşe’nin zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olunur. Fî 14 min-Zilhicce sene 1206.