Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 813 Hüküm no: 1360 Orijinal metin no: [113a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocası Abdullah tarafından bıçakla yaralandığını iddia eden Zeliha’nın durumunun incelendiği Ma‘rûz Bi’l-iltimâs kıbel-i şer‘-i şerîfden meb‘ûs Kâtib Abdullah Efendi dâ‘îleri medîne-i Üsküdar’da Hamzafakih mahallesinde sâkine ve zatı mu‘arrefe Zeliha bt. Abdullah nâm hatunun menziline varıp mazbûtü’l-esâmî Müslimîn huzûrlarında akd-i meclis-i şer‘-i şerîf etdikde mezbûre Zeliha meclis-i ma‘kūd-ı mezkûrda babası mezbûr Abdullah Efendi b. el-Hâc Abdi ve vâlidesi Nefise bt. İbrahim hâzır olduğu hâlde bast-ı kelâm edip zevcim gāib ani’l-meclis Abdullah b. el-Hâc İbrahim târih-i i‘lâmdan bir gün mukaddem ba‘de’z-zuhr menzil-i mezkûrun odası derûnunda bıçak ile sol uyluğuma darb ve cerh ve firâr etmekle kıbel-i şer‘den keşf ve mu‘âyene olunmak murâdımdır dedikde nisâ tâifesinden Fatıma bt. Hasan ve Hadice bt. Mesud nâm hatunlara irâet olundukda fi’l-hakīka mezbûre Zeliha Hatun sol uyluğundan bıçak parasıyla mecrûha olduğunu ba‘de’l-keşf ve’l-mu‘âyene haber verdiklerini mezbûr dâ‘îleri mahâllinde ba‘de’t-tahrîr ve’l-inhâ bi’l-iltimâs huzûr-ı âlîlerine i‘lâm olundu. Fî 23 min-Z sene 1206.