Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 814 Hüküm no: 1361 Orijinal metin no: [113a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Halil’in kendisine itaat etmeyip babasının evinde kalan karısıyla sulh olduğu Ma‘rûz Medîne-i Üsküdar’da Ayazma mahallesinde sâkin sâhib-i arzuhâl Ahmed b. Halil medîne-i mezbûrede meclis-i şer‘-i hatîrde hâlâ zevcesi derûn-ı arzuhâlde ismi mezkûre mu‘arrefetü’z-zât Sahibe Hatun bt. Hafız el-Hâc Hüseyin Efendi muvâcehesinde mezbûre Sahibe Hatun zevcem olup babası hâzır bi’l-meclis mezbûr el-Hâc Hüseyin Efendi menzilinde sâkine olup bana mutâva‘atdan imtinâ‘ etmekle mahalle-i mezbûrede vâki‘ galak ve merâfıkı başka tehyi’e eylediğim menzilimde iskâna zevcem mezbûreye tenbîh olunmak matlûbumdur deyü da‘vâ ol dahi cevâbında müdde‘î-i mezbûrun zevcesi olduğunu ikrâr lâkin zevcim mezbûr vâlidesi işbu hâzıra bi’l-meclis kayınvâlidem Fatıma bt. Mustafa nâm hatun beni bi-gayrı hakkın darb etdirmekle ben dahi zevcim mezbûre mutâva‘atdan imtinâ‘ etmişdim deyü da‘vâ ve vukū‘ı’l-münâza‘a bâ-tavassut-ı muslihîn müdde-i mezbûr Ahmed zevcesi mezbûre Sahibe Hatun’u fîmâ-ba‘d vâlidesi mezbûre Fatıma Hatun’a [darb] etdirmemek üzere mezbûre Sahibe Hatun dahi zevci mezbûr Ahmed’in tehyi’e eylediği menzil-i mezkûrda iskân ve kendiye mutâva‘at etmek üzere tarafeynden herbiri müte‘ahhid ve bu vechile beynleri ıslâh olunduğu ba‘de’t-tescîl mübâşiri çavuş kulları iltimâsıyla huzûr-ı âlîlerine i‘lâm olundu. Fî 9 min-Z sene 1206.