Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 815 Hüküm no: 1363 Orijinal metin no: [113b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva bt. Abdullah’ın kendisini döven Hanife ve Hafize aleyhlerine açtığı davada sulh olduğu Ma‘rûz Medîne-i Üsküdar’da Toygar Hamza mahallesinde sâkine olup ber-vech-i âtî kara bere idiği lede’l-keşf ve’l-mu‘âyene olan mu‘arrefetü’z-zât Havva bt. Abdullah nâm hatun medîne-i mezbûrede mahfil-i Bâb’da meclis-i şer‘-i hatîrde kezâlik zâtları mu‘arrefe Hanife bt. İsmail ve Hafîze bt. Ali nâm hatunlar muvâcehesinde mezbûretân Hanife ve Hafîze hatunlar târih-i i‘lâmdan beş gün mukaddem mahalle-i mezbûrede vâki‘ menzilim derûnunda bi-gayrı hakkın depme ve yumruk ve tas ile başıma ve boynuma ve memelerime darb ve karabere etmeleriyle mûcib-i şer‘îsini taleb ederim deyü müdde‘iye-i mezbûre ber-vech-i muharrer tasaddî eylediği da‘vâsından bâ-tavassut-ı muslihîn altı guruş bedel-i makbûza sulh olup mârrü’z-zikr kara bereye ve mâ yuhdesü-minhe müte‘allika âmme-i de‘âvîden mezbûretân Hanife ve Hafize hatunların zimmetlerini ba‘de’l-ibrâ ve’l-kabûl kat‘-ı münâza‘a eyledikleri ba‘de’t-tescîl bi’l-iltimâs huzûr-ı âlîlerine i‘lâm olundu. Fî 18 min-Z sene 1206.