Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 818 Hüküm no: 1370 Orijinal metin no: [114a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Ali Ağa’nın alacağı olduğu Ma‘rûz Medîne-i Üsküdar’da Bulgurlu mahallesi sükkânından el-Hâc Ali Ağa b. Mustafa nâm kimesne medîne-i mezbûrede mahfil-i Bâb’da meclis-i şer‘-i hatîrde mu‘arrefetü’z-zât Fatıma bt. Mustafa nâm hatun muvâcehesinde mezbûre Fatıma Hatun târih-i i‘lâmdan sekiz gün mukaddem bi’d-defa‘ât yedimden bi-tarîki’l-karz istidâne ve kabz ve umûruna sarfla istihlâk eylediği yüz otuz üç guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm yüz otuz üç guruşun edâsıyla mezbûre Fatıma Hatun şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 24 min-Z sene 1206.