Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 819 Hüküm no: 1372 Orijinal metin no: [114a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cemile bt. Abdullah’ın kiracısı olan Meryem bt. Mustafa’yı evinden çıkardığı Ma‘rûz Medîne-i Üsküdar’da Hacce Hasna Hatun mahallesinde sâkine Cemile bt. Abdullah nâm hatun tarafından ber-vech-i âtî vekîl olduğu zât-ı mezbûreyi [bi’l]-mu‘arrefet-i şer‘iye ile ârifân Mustafa Ağa b. Ömer ve Mustafa b. Mustafa nâm kimesneler şehâdetleriyle sâbit olan es-Seyyid eş-Şeyh Şûhî Efendi b. eş-Şeyh Ali meclis-i şer‘-i hatîrde zâtı mu‘arrefe Meryem bt. Mustafa nâm hatun mahzarında mezbûre Meryem Hatun müvekkile-i mezbûre Cemile Hatun’un mahalle-i mezbûrede vâki‘ bir bâb vakıf menzilinde beher şehr ikişer guruş ücret ile müsteciresi olup menzil-i mezkûrun müvekkile-i mezbûreye lüzûmu olmağla işbu târih-i i‘lâm şehri gāyetinde fesh-i icâre birle menzil-i mezkûru tahliye ve müvekkile-i mezbûreye teslîme tenbîh olunmak bi’l-vekâle matlûbumdur deyü da‘vâ etdikde ol dahi ikrâr ve i‘tirâf edip menzil-i mezkûru gāyet-i şehr-i mezkûrda tahliye ve müdde‘iye-i mezbûre Cemile Hatun’a teslîme ta‘ahhüd ol dahi râzı olduğu bi’l-iltimâs huzûr-ı âlîlerine i‘lâm olundu. Fî 26 min-Z sene 1206.