Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 819 Hüküm no: 1373 Orijinal metin no: [114a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Ali’nin zahire bedelinden alacağı olduğu Ma‘rûz Mahmiye-i İslâmbol’da Sultanahmed kurbünde sâkin Bakkāl Ali b. Ahmed medîne-i Üsküdar’da mahfil-i Bâb’da meclis-i şer‘-i hatîrde Andon v. Agop nâm zimmî muvâcehesinde merkūm Andon zimmî târih-i i‘lâmdan altı ay mukaddem yedimden iştirâ ve kabz eylediği ecnâs-ı zehâir semeninden otuz guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını Osman b. İsmail ve Hüseyin b. Süleyman nâm kimesneler şehâdetleriyle vech-i şer‘î üzere muvâcehesinde isbât etmeğin mûcibiyle meblağ-ı merkūm otuz guruşu müdde‘î-i mezbûra edâ ve teslîme merkūm Andon zimmîye şer‘an tenbîh olunduğu bi’l-iltimâs huzûr-ı âlîlerine i‘lâm olundu. Fî 26 min-Zilhicce sene 1206.