Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 820 Hüküm no: 1374 Orijinal metin no: [114b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkçı Seyyid Mehmed’in pamuk bedelinden alacağı olduğu iddiasını ispat edemediği Ma‘rûz Medîne-i Üsküdar’da Büyük İskele’de Kayıkcı es-Seyyid Mehmed b. Ahmed medîne-i mezbûrede mahfil-i Bâb’da meclis-i şer‘-i hatîrde Mustafa b. Mustafa mahzarında târih-i i‘lâmdan beş sene mukaddem gāib ani’l-beled Ali nâm kimesneye îsâl ve teslîm için mezbûr Mustafa yedine teslîm eylediğim yüz buçuk vakıyye penbenin doksan buçuk vakıyyesini gāib-i mezbûra teslîm ve on vakıyyesini teslîm etmeyip yedinde kalmağla istirdâd ederim deyü da‘vâ ol dahi cevâbında zikr olunan penbeyi müdde‘î-i mezbûr yedinden ahz ve gāib-i mezbûra tamamen def‘ ve teslîm edip ol-vechile zimmetim berî’e olmuşdu deyü def‘e tasaddu eyledikde bu sûretde müdde‘î-i mezbûr es-Seyyid Mehmed’in yemînle tasdîk olunur ümenâdan olmağla üzerine red ve damân lâzım gelmediğine mezbûr Mustafa gıbbe’t-tahlîfi’ş-şer‘î mûcibiyle müdde‘î-i mezbûr da‘vâ-yı mezkûresiyle mezbûr Mustafa’ya bî-vech mu‘ârazadan men‘ olunduğu ba‘de’t-tescîl bi’l-iltimâs huzûr-ı âlîlerine i‘lâm olundu. Fî 27 min-Z sene 1206.