Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 823 Hüküm no: 1380 Orijinal metin no: [114b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Serkiz v. Kolos tarafından bıçak ile yaralandığını iddia eden Yasef’in talebi üzerine durumunun tesbiti Ma‘rûz Medîne-i Üsküdar’da Selami mahallesinde mütemekkin Yasef v. Vartan nâm zimmî medîne-i mezbûrede mahfil-i Bâb’da meclis-i şer‘-i hatîrde bast-ı kelâm ve ifâde-i merâm edip hâzır bi’l-meclis Serkiz v. Kolos nâm zimmî târih-i i‘lâm gecesi vakt-i ışâda mahalle-i mezbûrede sandalcı odalarında beni bi-gayrı hakkın bıçak ile sol elimin üzerinden bir yerinden ve başımın depesi üzerinden bir yerinden ki cem‘an iki mahâllinden darb ve cerh ve hâşimeten şecc etmekle kıbel-i şer‘den keşf ve mu‘âyene olunmak matlûbumdur dedikde cerrâh tâifesinden Ali Efendi ve sâir mazbûtü’l-esâmî Müslimîn a‘zâsına nazar eylediklerinde fi’l-hakīka merkūm Yasef zimmî ber-vech-i muharrer iki mahâllinden madrûb ve mecrûh ve meşcûc idiği ba‘de’l-keşf ve’l-mu‘âyene vâki‘ hâl bi’l-iltimâs huzûr-ı âlîlerine i‘lâm olundu. Fî-gurreti M sene 1207.