Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 824 Hüküm no: 1382 Orijinal metin no: [115a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Fatma’nın talebi üzerine kocasının ayrı bağımsız bir ev açmaya söz verdiği Ma‘rûz Medîne-i Üsküdar’da Hasanağa mahallesinde misâfereten sâkine ve zâtı mu‘arrefe Şerife Fatıma bt. es-Seyyid Mustafa nâm hatun mahfil-i Bâb’da meclis-i şer‘-i hatîrde zevc-i dâhili Hüseyin Efendi b. İsmail Efendi’nin babası ve tarafından ber-vech-i âtî vekîl olduğu Mehmed Efendi b. Ahmed ve Molla Mehmed b. Mehmed nâm kimesneler şehâdetleriyle sâbit olan mezbûr İsmail Efendi mahzarında müvekkil-i mezbûr Hüseyin Efendi zevcim olup beni ebeveyni menzilinde iskân etmekle galak ve merâfıkı başka menzilde iskâna tenbîh olunmak murâdımdır deyü da‘vâ mezbûr İsmail Efendi cevâbında medîne-i mezbûrede Hacce Hatun mahallesinde vâki‘ menzilinden ifrâz eylediği galak ve merâfıkı başka mahâllinde iskâna ta‘ahhüd etmeğin mûcibiyle müdde‘iye-i mezbûre Şerife Fatıma Hatun’a zevci müvekkil-i mezbûra mutâva‘ata tenbîh olunduğu bi’l-iltimâs huzûr-ı âlîlerine i‘lâm olundu. Fî-gurreti M sene 1207.