Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 827 Hüküm no: 1388 Orijinal metin no: [115b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Mehmed Emin’in emanet olarak verdiği kaputunu kendisine iade etmediği iddiasıyla Pandeli v. Kiryako aleyhine açtığı davada iddiasını ispat edemediği Ma‘rûz Medîne-i Üsküdar’da Hamzafakih mahallesinde sâkin el-Hâc Mehmed Emin b. Ömer medîne-i mezbûrede mahfil-i Bâb’da meclis-i şer‘-i hatîrde medîne-i mezbûrede vâki‘ Dârü’s-sa‘âde Ağası Çeşmesi kurbünde mütemekkin bakkāl tâbi‘i Pandeli v. Kiryako nâm zimmî muvâcehesinde târih-i i‘lâmdan bir gün mukaddem emlâkimden yetmiş guruş kıymetli bir kaputumu merkūm Pandeli yedine li-ecli’l-hıfz emâneten vaz‘ ve teslîm etmemle hâlâ taleb ederim deyü ba‘de’d-da‘vâ ve’l-istintâk merkūm Pandeli zimmî cevâbında zikr olunan kaputu müdde‘î-i merkūm yedinden ber-vech-i muharrer kabzını ikrâr lâkin müdde‘î-i mezbûra yine teslîm edip yed ve zimmetimde kalmamışdır deyü eylediği def‘ini müdde‘î-i merkūm el-Hâc Mehmed Emin inkârından mâ‘adâ merkūm Pandeli zimmî yemîn ile tasdîk olunan ümenâdan olup ve merkūm el-Hâc Mehmed Emin tahlîfe dahi tâlib olmamağla mûcibiyle müdde‘î-i merkūm husûs-ı mezkûrda merkūm Pandeli zimmîye bî-vech mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî-gurreti M sene 1207.