Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 827 Hüküm no: 1389 Orijinal metin no: [115b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Ahmed’in boşalttığı evde kalan eşyalarınının ev sahibesi Şerife Fatma tarafından kendisine teslim edildiği Ma‘rûz Mahmiye-i İslâmbol’da Balat kurbünde sâkin sâhib-i arzuhâl Bostanî Ahmed b. İbrahim medîne-i Üsküdar’da mahfil-i Bâb’da meclis-i şer‘-i hatîrde derûn-ı arzuhâlde mezkûretü’l-ism mu‘arrefetü’z-zât Şerife Fatıma bt. el-Hâc Abdullah nâm hatun mahzarında mezbûre Şerife Fatıma’nın medîne-i mezbûrede Hacce Hatun mahallesinde vâki‘ menzilinde müstecir olup âhar menzile nakleylediğimde mezbûrenin menzilinde eşyâ-i memlûkemden on şayak yasdık ve iki minder ve bir döşek ve iki yorgan ve bir hasır ve iki mak‘ad ve üç baş yasdığı ve bir nühâs mangal ve dört tencere ve bir tâbe ve altı sahan ve bir sepet sandık ve bir kıyma tahtası ve bir satır ve bir iskemle kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle eşyâ-i mezkûrenin mecmû‘unu müdde‘î-i mezbûra teslîm eylediği bi’l-iltimâs huzûr-ı âlîlerine i‘lâm olundu. Fî 3 min-M sene 1207.