Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 828 Hüküm no: 1392 Orijinal metin no: [115b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalyoncu Seyyid Yahya’nın ticaret ortaklığından alacağı olduğu iddiasıyla açtığı davada sulh olduğu Ma‘rûz Kalyoncu tâifesinden es-Seyyid Yahya b. Mehmed nâm kimesne medîne-i Üsküdar’da mahfil-i Bâb’da meclis-i şer‘-i hatîrde Mustafa b. Mehmed nâm kimesne mahzarında mezbûr Mustafa zimmetinde mâl-ı şirketden yirmi iki guruş hakkım olmağla taleb ederim deyü eylediği da‘vâsından bâ-tavassut-ı muslihîn beş guruş bedel-i makbûza sulh olup ziyâde müdde‘âsı olan on yedi guruşa ve bi’l-cümle husûs-ı mezkûra müte‘allika âmme-i de‘âvîden mezbûr Mustafa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 15 min-Z sene 1206.