Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 829 Hüküm no: 1394 Orijinal metin no: [116a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdülaziz b. Mehmed’in duhan çubuğunu çaldıkları iddiasıyla Manav Hasan ve Seyyid Mehmed aleyhine açtığı davada iddiasını ispat edemediği Ma‘rûz Medîne-i Üsküdar’a tâbi‘ Bulgurlu karyesinde sâkin Abdülaziz b. Mehmed meclis-i şer‘-i hatîrde Manav Hasan b. Mustafa ve es-Seyyid Mehmed b. Hüseyin nâm kimesneler mahzarlarında mezbûrân Hasan ve es-Seyyid Mehmed târih-i i‘lâmdan bir gün mukaddem medîne-i mezbûrede Tophânelizâde Çeşmesi kurbünde bağda on beş [guruş] kıymetli bir aded kehribâlı duhân çubuğumu hufyeten ahz etmeleriyle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve ityâna kādir olamayıp bi’t-taleb mezbûrân Hasan ve es-Seyyid Mehmed’den herbiri gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûrândan Hasan ve es-Seyyid Mehmed’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 16 min-Zilhicce sene 1206.