Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 829 Hüküm no: 1395 Orijinal metin no: [116a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Andon v. İstefan’ın alacağı olduğu Ma‘rûz Medîne-i Üsküdar’a tâbi‘ Kādı karyesinde mütemekkin Andon v. İstefan nâm zimmî medîne-i mezbûrede mahfil-i Bâb’da meclis-i şer‘-i hatîrde Nikola v. İstemat nâm zimmî muvâcehesinde merkūm Nikola zimmî târih-i i‘lâmdan bir sene mukaddem yedimden bâ-tarîki’l-karz istidâne ve kabz ve umûruna sarfla istihlâk eylediği yetmiş guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm yetmiş guruşun müdde‘î-i merkūma edâsıyla merkūm Nikola zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 5 min-M sene 1207.