Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 830 Hüküm no: 1397 Orijinal metin no: [116a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Mustafa’nın cariye satın almak için verdiği yüz kuruşu kendisine iade etmesi talebiyle Nefise bt. Abdullah aleyhine açtığı davada iddiasını ispat edemediği Ma‘rûz Medîne-i Üsküdar’da Selmanağa mahallesinde sâkin el-Hâc Mustafa b. İbrahim nâm kimesne medîne-i mezbûrede mahfil-i Bâb’da meclis-i şer‘-i hatîrde gelini mu‘arrefetü’z-zât Nefîse bt. Abdullah nâm hatun muvâcehesinde bundan akdem mezbûre Nefîse Hatun beynimizde ma‘lûm bana bir câriye iştirâ etmek için mezbûrenin yedine bi-tarîki’l-emâne yüz guruş teslîm etmişdim lâkin zikr olunan câriyeyi iştirâ etmeyip hâlâ meblağ-ı merkūm yüz guruş zimmetinde kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz edip talebiyle mezbûre Nefîse Hatun gıbbe’t-tahlîfi’ş-şer‘î mûcibiyle müdde‘î-i mezbûr el-Hâc Mustafa da‘vâ-yı mezkûresiyle mezbûre Nefîse Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 5 min-M sene 1207.