Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 832 Hüküm no: 1400 Orijinal metin no: [116b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı İsmail’in alacağı olduğu Ma‘rûz Medîne-i Üsküdar’da Arakıyeci el-Hâc Mehmed mahallesinde sâkin el-Hâc İsmail b. Ömer mahfil-i Bâb’da meclis-i şer‘-i hatîrde Mehmed b. Ömer mahzarında mezbûr Mehmed târih-i i‘lâmdan sekiz ay mukaddem yedimden iktirâz ve kabz ve umûruna sarfla istihlâk eylediği on guruş hakkımı taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyâna kādir olamayıp talebiyle mezbûr Mehmed’e yemîn teklif olundukda mezbûr Mehmed yemînden nükûl etmeğin mûcibiyle meblağ-ı merkūm on guruşu müdde‘î-i mezbûra edâ ve teslîme mezbûr Mehmed’e tenbîh olunduğu bi’l-iltimâs huzûr-ı âlîlerine i‘lâm olundu. Fî 5 min-M sene 1207.