Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 835 Hüküm no: 1407 Orijinal metin no: [117a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostancı Ahmed Ağa’nın iki yüz kuruş alacağı olduğu Ma‘rûz Medîne-i Üsküdar’da Hasanağa mahallesinde sâkin Bostanî Ahmed Ağa b. Mehmed meclis-i şer‘-i hatîrde Ömer b. İbrahim mahzarında mezbûr Ömer târih-i i‘lâmdan bir sene mukaddem bâ-temessük yedimden istidâne ve kabz ve umûruna sarfla istihlâk eylediği iki yüz guruş hakkımı taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm iki yüz guruşun edâsıyla mezbûr Ömer şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 15 min-M sene 1207.