Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 838 Hüküm no: 1413 Orijinal metin no: [117b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Aşçı Arnavut Bekir’in açtığı alacak davasında sulh olduğu Ma‘rûz Medîne-i Üsküdar’da Büyük İskele kurbünde aşçı dükkânında sâkin Aşçı Arnabud Bekir b. Süleyman medîne-i mezbûrede mahfil-i Bâb’da meclis-i şer‘-i hatîrde Arnabud Mustafa b. Mehmed Salih mahzarında mezbûr Mustafa târih-i i‘lâmdan on sene mukaddem yedimden istidâne ve kabz ve umûruna sarfla istihlâk eylediği elli guruş hakkımı taleb ederim deyü eylediği da‘vâsından bâ-tavassut-ı muslihîn yirmi guruş bedel mukābilesinde mezbûr Mustafa ile sulh olup ziyâde müdde‘âsı olan otuz guruşa ve bi’l-cümle husûs-ı mezkûra müte‘allika âmme-i de‘âvîden mezbûr Mustafa’nın zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 17 min-M sene 1207.