Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 838 Hüküm no: 1414 Orijinal metin no: [117b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mehmed’in kendisini dövdüğü iddiasıyla Molla Mustafa’ya açtığı davada iddiasını ispat edemediği Ma‘rûz Medîne-i Üsküdar’a tâbi‘ Çenger karyesinde sâkine ve zâtı mu‘arrefe Âişe bt. Mehmed nâm hatun medîne-i mezbûrede mahfil-i Bâb’da meclis-i şer‘-i hatîrde Molla Mustafa b. Hasan mahzarında mezbûr Molla Mustafa târih-i i‘lâm günü medîne-i mezbûrede Yeniçeşme nâm mahâlde beni bi-gayrı hakkın değnek ile burnumun üzerine darb etmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını beyân ve isbâta kādire olamayıp bi’t-taleb mezbûr Molla Mustafa gıbbe’t-tahlîfi’ş-şer‘î mûcibiyle müdde‘iye-i mezbûre husûs-ı mezkûru mezbûr Molla Mustafa’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 20 min-M sene 1207.