Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 840 Hüküm no: 1416 Orijinal metin no: [117b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatma bt. Hacı Ömer’in alacağı olduğu iddiasıyla açtığı davada iddiasını ispat edemediği Ma‘rûz Medîne-i Üsküdar’da Solaksinan mahallesinde sâkine ve zâtı mu‘arrefe Fatıma bt. el-Hâc Ömer nâm hatun meclis-i şer‘-i hatîrde zevc-i sâbıkı Mehmed b. Hasan mahzarında mezbûr Mehmed yirmi guruş mehr-i müeccel tesmiyesiyle zevcim olup târih-i i‘lâmdan dört ay mukaddem beni tatlîk etmekle mehr-i mezkûrumu taleb ederim deyü da‘vâ ol dahi cevâbında fi’l-hakīka müdde‘iye-i merkūme mukaddemâ ol-mikdâr mehir ile zevcesi olup tatlîkini ikrâr lâkin mehr-i mezkûra ve hukūk-ı zevciyete müte‘allika âmme-i de‘âvîden zimmetimi ibrâ etmişdi deyü ba‘de’d-def‘ ve’l-inkâr mezbûr Mehmed def‘-i mezkûrunu es-Seyyid Mustafa b. Ali ve Osman b. Cafer nâm kimesneler şehâdetleriyle muvâcehesinde isbât etmeğin mûcibiyle müdde‘iye-i mezbûre da‘vâ-yı mezkûresiyle mezbûr Mehmed’e bî-vech-i şer‘î mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 15 min-M sene 1207.