Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 840 Hüküm no: 1417 Orijinal metin no: [117b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Mustafa’nın kira bedeli olarak Saime Hatun Vakfı’na borcu olduğu Ma‘rûz Medîne-i Üsküdar’da vâki‘ merhûme Saime Hatun Vakfı’nın bi’l-meşrûta mütevellisi Hafız Mehmed Efendi b. el-Hâc Mustafa medîne-i mezbûrede mahfil-i Bâb’da meclis-i şer‘-i hatîrde vakf-ı mezbûr müstecirelerinden zikri âtî menzile icâreteyn ile mutasarrıfe olan mu‘arrefetü’z-zât Hadice bt. Mustafa nâm hatun muvâcehesinde vakf-ı mezbûr musakkafâtından olup medîne-i mezbûrede Hamzafakih mahallesinde vâki‘ ma‘lûmü’l-hudûd bir bâb vakıf menzilin beher şehr kırk akçe icâresinden işbu târih-i i‘lâma gelince yedi senede mezbûre Hadice Hatun zimmetinde müctemi‘a olan yirmi sekiz guruş icâreyi vakf-ı mezbûr için taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm yirmi sekiz guruşun edâsıyla mezbûre Hadice Hatun şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 18 min-M sene 1207.