Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 841 Hüküm no: 1419 Orijinal metin no: [118a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Doğramacı Seyyid Mustafa’nın kendisine küfürler eden Kadayıfçı Ali aleyhine açtığı davadan vazgeçtiği Ma‘rûz Medîne-i Üsküdar’da Tabutcular sûkunda Doğramacı es-Seyyid Mustafa b. Ömer nâm kimesne medîne-i mezbûrede mahfil-i Bâb’da meclis-i şer‘-i hatîrde Kadayıfçı Ali b. el-Hâc Hasan nâm kimesne mahzarında mezbûr el-Hâc Ali târih-i i‘lâmdan dört gün mukaddem mûcib-i ta‘zîr olur elfâz-ı kabîha ile şetm etmişdi deyü da‘vâya tasaddî eylediğimde bâ-tavassut-ı muslihîn da‘vâ-yı mezkûremden meccânen fâriğ ve husûs-ı merkūma müte‘allika âmme-i de‘âvîden mezbûr el-Hâc Ali’nin zimmetini ibrâ ve ıskāt edip ol dahi ber-vech-i muharrer ibrâmı kabûl edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 20 min-M sene 1207.