Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 847 Hüküm no: 1428 Orijinal metin no: [118b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Anber bt. Abdullah’ın alacağı olduğu iddiasıyla açtığı davada iddiasını ispat edemediği Ma‘rûz Medîne-i Üsküdar’da Debbâğlar mahallesinde sâkine mu‘arrefetü’z-zât Anber bt. Abdullah nâm zenciye medîne-i mezbûrede mahfil-i Bâb’da meclis-i şer‘-i hatîrde kezâlik zâtı mu‘arrefe Fatıma bt. Abdullah nâm Zenciye mahzarında mezbûre Fatıma târih-i i‘lâmdan iki sene mukaddem yedimden istidâne kabz ve umûruna sarfla istihlâk eylediği elli guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘iye-i mezbûre ber-vech-i muharrer müdde‘âsını isbâta kādire olamayıp talebiyle mezbûr Fatıma gıbbe’t-tahlîfi’ş-şer‘î mûcibiyle müdde‘iye-i mezbûre husûs-ı mezkûrda mezbûre Fatıma’ya bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 24 min-M sene 1207.