Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 849 Hüküm no: 1433 Orijinal metin no: [119a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Süleyman’ın piştov demiriyle kendisini yaralayan Arnavut İslam ile sulh olduğu Ma‘rûz Medîne-i Üsküdar’da kebâbcılar fırınında değirmenci olup ber-vech-i âtî başının sol tarafından meşcûc idiği lede’l-keşf ve’l-mu‘âyene zâhir olan Yusuf b. Süleyman nâm kimesne medîne-i mezbûrede mahfil-i Bâb’da meclis-i şer‘-i hatîrde Arnabud İslâm b. Hasan nâm kimesne tarafından ber-vech-i âtî tasdîka vekîli karındaşı Süleyman b. el-merhûm Hasan nâm kimesne mahzarında müvekkil-i mezbûr İslâm târih-i i‘lâmdan bir gün mukaddem medîne-i mezbûrede Demirciler sûkunda bi-gayrı hakkın piştov demiriyle başımın sol tarafına darb ve hâşimeten şecc etmekle mûcib-i şer‘îsini taleb ederim deyü tasaddî eylediği da‘vâsından bâ-tavassut-ı muslihîn altı guruş bedel-i makbûza sulh olup şecc-i mezkûra ve mâ-yuhdesü-minhe müte‘allika âmme-i de‘âvîden müvekkil-i mezbûr İslâm’ın zimmetini ibrâ ve ıskāt eyledikde vekîl-i mezbûr dahi ber-vech-i muharrer ibrâsını kabûl edip kat‘-ı münâza‘a eyledikleri ba‘de’t-tescîl bi’l-iltimâs huzûr-ı âlîlerine i‘lâm olundu. Fî 25 min-Muharrem sene 1207.