Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 850 Hüküm no: 1435 Orijinal metin no: [119b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çörekçi Abdullah’ın Davutpaşa mahallesi avarız bedeli vakfına borcu olduğu Ma‘rûz Medîne-i Üsküdar’da Davudpaşa mahallesinin bedel-i avârızı vakfının mütevellisi el-Hâc İbrahim Ağa b. Davud nâm kimesne medîne-i mezbûrede mahfil-i Bâb’da meclis-i şer‘-i hatîrde Çörekçi Abdullah b. Mehmed mahzarında mezbûr Abdullah bin iki yüz altı senesi Muharremi’l-harâmı’nın gurresi günü târihiyle müverrah işbu yedimde olan bir kıt‘a temessük mantûkunca mâl-ı vakf-ı mezbûrdan olmak üzere yedimden bi-tarîki’l-karz istidâne ve kabz ve umûruna sarfla istihlâk eylediği seksen buçuk guruş zimmetinde vakf-ı mezbûra deyni olmağla bi’t-tevliye taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm seksen buçuk guruşun edâsıyla mezbûr Abdullah şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 25 min-M sene 1207.