Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 851 Hüküm no: 1436 Orijinal metin no: [119b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Abdullah’ın yanında bulunan küçük oğlunu eski kocası Kahveci Ömer’e teslim ettiği Ma‘rûz Medîne-i Üsküdar’da Kefçe mahallesinde sâkine ve zatı mu‘arrefe Emine bt. Abdullah nâm hatun mahfil-i Bâb’da meclis-i şer‘-i hatîrde zevc-i mutallıkı Kahveci Ömer b. İbrahim mahzarında mezbûr Kahveci Ömer’in yirmi beş guruş mehr-i müeccel tesmiyesiyle zevce-i medhûlün-bihâsı iken târih-i i‘lâm günü beni tatlîk etmekle mezbûrun firâşından hâsıl ve benden mütevellide ve bi-hakkı’l-hıdâne hacr ve terbiyemde olan sadrî sagīr oğlum Mustafa’yı ikişer para nafaka ve kisve-bahâ farz ve takdîr etdirmişdim lâkin sagīr-i mezbûru idâreden aczim olmağla bi’r-rızâ babası mezbûr Ömer’e teslîm eylediğimde ol dahi yedimden ahz eyledi dediğini mezbûr Ömer tasdîk eylediği bi’l-iltimâs huzûr-ı âlîlerine i‘lâm olundu. Fî 19 min-M sene 1207.