Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 851 Hüküm no: 1437 Orijinal metin no: [119b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. Ömer’in sattığı camus bedelinden alacağı olduğu Ma‘rûz Medîne-i Üsküdar’a muzâfe Yoros nâhiyesine tâbi‘i Esenceli karyesinde sâkin İbrahim b. Ömer medîne-i mezbûrede mahfil-i Bâb’da meclis-i şer‘-i hatîrde Süleyman b. İsmail mahzarında mezbûr Süleyman târih-i i‘lâmdan iki sene mukaddem yedimden iştirâ ve kabz eylediği bir re’s camus semeninden elli beş guruş hakkımın iki buçuk guruşunu yedinden ahz ü kabz ve elli iki buçuk guruşu zimmetinde bâkī kalmağla taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm elli iki buçuk guruşun edâsıyla mezbûr Süleyman şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 23 min-M sene 1207.