Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 856 Hüküm no: 1445 Orijinal metin no: [120b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şekerci Seyyid Hafız Mustafa Efendi’yi darb eden Hamal Mehmed’e tazir cezası verildiği Ma‘rûz Medîne-i Üsküdar’da Büyükhamam karşısında şekerci dükkânında sâkin Şekerci es-Seyyid Hafız Mustafa Efendi b. es-Seyyid Ahmed medîne-i mezbûrede mahfil-i Bâb’da meclis-i şer‘-i hatîrde Hammâl Mehmed b. Abdullah mahzarında mezbûr Mehmed târih-i i‘lâm günü dükkân-ı mezkûr önünde beni bi-gayrı hakkın sille ile yüzüme darb ve ırzımı hetk etmekle mûcibini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını udûlden Molla Hüseyin b. Osman ve es-Seyyid Hafız Mustafa b. Hüseyin nâm kimesneler şehâdetleriyle vech-i şer‘î üzere muvâcehesinde isbât etmeğin mûcibiyle mezbûr Mehmed’e şer‘an ta‘zîr lâzım geldiği bi’l-iltimâs huzûr-ı âlîlerine i‘lâm olundu. Fî 2 min-S sene 1207.