Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 860 Hüküm no: 1453 Orijinal metin no: [121a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kısıklı köyü imamı Molla Yakub’un kiraya verdiği atın telefine sebep olduğu iddiasıyla Çukadar Halil’e açtığı davasını ispat edemediği Ma‘rûz Medîne-i Üsküdar’a tâbi‘ Kısıklı karyesi imâmı Molla Yakub b. İsmail mahfil-i Bâb’da meclis-i şer‘-i hatîrde Çukadâr Halil b. Hasan mahzarında mezbûr Halil târih-i i‘lâmdan on iki gün mukaddem emlâkimden kırk beş guruş kıymetli bir re’s yağız bârgirimi Nerdubânlı karyesine gitmek için kırk beş para ücret ile istîcâr edip mu‘tâddan ziyâde koşdurup te‘addî ve taksîrinden nâşi bârgir-i merkūm helâk olmağla kıymet-i mezkûresi olan kırk beş guruşu taleb ederim deyü da‘vâ ve merkūm Halil cevâbında bârgir-i merkūmu istîcârını ikrâr lâkin te‘addîsini inkâr etmeğin müdde‘î-i mezbûr ziyâde müdde‘âsını beyândan izhâr-ı acz birle bi’t-taleb mezbûr Halil gıbbe’t-tahlîfi’ş-şer‘î mûcibiyle müdde‘î-i merkūm da‘vâ-yı mezkûresiyle mezbûr Halil’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 6 min-S sene 1207.