Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 860 Hüküm no: 1454 Orijinal metin no: [121a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın kendisini dövdüğü iddiasıyla Seyyid Ebubekir’e açtığı tazir davasından vazgeçtiği Ma‘rûz Medîne-i Üsküdar’da Kefçe mahallesinde sâkin Ahmed Ağa b. el-Hâc Mustafa nâm kimesne medîne-i mezbûrede mahfil-i Bâb’da meclis-i şer‘-i hatîrde es-Seyyid Ebûbekir b. Ahmed nâm kimesne mahzarında mezbûr es-Seyyid Ebûbekir târih-i i‘lâmdan bir gün mukaddem medîne-i mezbûrede Dârü’s-sa‘âdet ağası kurbünde berber dükkânında bi-gayrı hakkın yumruk ile başıma darb ve mûcib-i ta‘zîr olur elfâz ile şetm etmekle mûcib-i şer‘îsini taleb ederim deyü eylediği da‘vâsından meccânen fâriğ olup husûs-ı mezkûra müte‘allika âmme-i de‘âvîden mezbûr es-Seyyid Ebûbekir’in zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 14 M sene 1207.