Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 865 Hüküm no: 1462 Orijinal metin no: [122a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. İsmail’in eşya bedelinden alacağı olduğu Ma‘rûz Medîne-i Üsküdar’da Aşçıbaşı mahallesinde sâkine mu‘arrefetü’z-zât Hadice bt. İsmail nâm hatun meclis-i şer‘-i hatîrde dâmâdı es-Seyyid Mehmed Beşe b. Mustafa mahzarında mezbûr es-Seyyid Mehmed Beşe hâzıra bi’l-meclis kızım Şerife Emetullah nâm hatunu tezevvüc esnâsında seksen dört buçuk guruş kıymetli mehr-i mu‘accel tesmiye olunan eşyâ-i memlûkemden altı çatma yasdık ve üç minder ve üç yasdık [ve] üç minder şiltesi ve bir döşek ve iki yorgan ve bir baş yasdığı ve bir orta keçesi ve beş sahan ma‘a kapak ve bir ta‘âm sinisi ve bir şorba tası ve bir sagīr sini ve bir mangal ve bir leğen ma‘a ibrik ve bir lengerini kızım mezbûre bâ-hüccet-i şer‘iye semen-i ma‘lûme bana bey‘ ve temlik bend dahi ba‘de’l-iştirâ ve’l-kabûl hâlâ eşyâ-i mezkûre zevci mezbûrun yedinde olmağla mevcûd ise aynı müstehleke ise kıymet-i mezkûresini taleb ederim deyü da‘vâ ve mezbûr es-Seyyid Mehmed Beşe cevâbında zikr olunan eşyâmın tezvîcde mehr-i mu‘accel tesmiye olunup hâlâ müstehleke olmuşdur deyü ikrâr u i‘tirâf etmeğin mûcibiyle meblağ-ı merkūm seksen dört buçuk guruşun edâsıyla mezbûr es-Seyyid Mehmed Beşe şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 6 min-S sene 1207.