Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 866 Hüküm no: 1465 Orijinal metin no: [122a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saka Hacı Mustafa’nın kendisini dövdüğünü iddia ettiği Saka İstefan’a açtığı davada iddiasını ispat edemediği Ma‘rûz Medîne-i Üsküdar’da Selami mahallesinde sâkin Saka el-Hâc Mustafa b. el-Hâc Mehmed nâm kimesne medîne-i mezbûrede mahfil-i Bâb’da meclis-i şer‘-i hatîrde Saka İstefan v. Melkon nâm zimmî muvâcehesinde merkūm İstefan zimmî târih-i i‘lâm günü mahalle-i mezbûrede mâ-i cârî çeşmesi önünde bi-gayrı hakkın saka[lıma] yapışıp üzerime unf ile hücûm ve sakalımın bir mikdârını yolmağla mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i merkūm ber-vech-i muharrer müdde‘âsını isbâta kādir olamayıp talebiyle merkūm İstefan zimmî gıbbe’t-tahlîfi’ş-şer‘î mûcibiyle müdde‘î-i merkūm da‘vâ-yı mezkûresiyle merkūm İstefan zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 7 min-S sene 1207.