Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 866 Hüküm no: 1466 Orijinal metin no: [122a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yahya b. İbrahim’in kendisini dövdüklerini iddia ettiği Kara Mustafa ile kardeşi Ali’ye açtığı tazir davasından vazgeçtiği Ma‘rûz Medîne-i Üsküdar’da tâbi‘ Tepeviran karyesi sükkânından Yahya b. İbrahim medîne-i mezbûrede mahfil-i Bâb’da meclis-i şer‘-i hatîrde karye-i mezbûrede sâkin Kara Mustafa b. Abdullah mahzarında târih-i i‘lâmdan dört gün mukaddem mezbûr Mustafa ve karındaşı gāib ani’l-meclis Ali odun ve bıçak ile bi-gayrı hakkın darb etmeleriyle mûcib-i şer‘îsini taleb ederim deyü tasaddî eylediği da‘vâsından meccânen fâriğ olup hakk-ı ta‘zîrine ve beynlerinde ma‘lûm bağçe nizâ‘ına ve bi’l-cümle husûs-ı merkūma müte‘allika âmme-i de‘âvîden mezbûr Mustafa ile karındaşı mezbûr Ali’nin zimmetlerini ba‘de’l-ibrâ ve’l-kabûl kat‘-ı münâza‘a eyledikleri tescîl ve bi’l-iltimâs huzûr-ı âlîlerine i‘lâm olundu. Fî 10 min-Muharrem sene 1207.